പണക്കൊഴുപ്പ് നിറഞ്ഞ ഐപിഎല്ലിന് ഇനിയില്ല; ഇന്ത്യന്‍ പ്രീമിയര്‍ ലീഗിനെതിരേ ആഞ്ഞടിച്ച് ഓസ്‌ട്രേലിയന്‍ സൂപ്പര്‍ താരം

ഐപിഎല്ലിന്റെ പണക്കൊഴുപ്പിന് ഇനി തന്നെ പ്രലോഭിപ്പാക്കാനാവില്ലെന്ന് പ്രഖ്യാപിച്ച് ഓസ്‌ട്രേലിയന്‍ ഓള്‍റൗണ്ടര്‍ മിച്ചല്‍ മാര്‍ഷ് ഇന്ത്യന്‍ പ്രീമിയര്‍ ലീഗ് നിര്‍ത്തി. ഏകദിന, ടെസ്റ്റ് മത്സരങ്ങള്‍ക്ക് കൂടുതല്‍ പ്രധാന്യം നല്‍കാനാണ് ഐപിഎല്‍ ഉപേക്ഷിക്കുന്നതെന്ന താരം വ്യക്തമാക്കി. ഇംഗ്ലീഷ് കൗണ്ടി സുറെയ്ക്ക് കളിച്ച് കളി മെച്ചെടുത്താനാണ് താരത്തിന്റെ തീരുമാനംആഷസ് പരമ്പരയിലെ നാലാം ടെസ്റ്റില്‍ 166 പന്തില്‍ 29 റണ്‍സെടുത്തു മത്സരം സമനിലയിലെത്തിക്കാന്‍ ഓസ്ട്രേലിയയെ സഹായിച്ച ശേഷമാണ് മാര്‍ഷ് ഇക്കാര്യം വ്യക്തമാക്കിയത്. 23 ടെസ്റ്റില്‍ നിന്ന് 893 റണ്‍സും 29 വിക്കറ്റും, 48 ഏകദിനങ്ങളില്‍ 1242 റണ്‍സും 41 വിക്കറ്റും മാര്‍ഷിന്റെ പേരിലുണ്ട്. ട്വന്റി20യിലാവട്ടെ ഒന്‍പത് മത്സരങ്ങളില്‍ നിന്ന് 133 റണ്‍സും നാല് വിക്കറ്റും താരത്തിനുണ്ട്.  കഴിഞ്ഞ സീസണില്‍ 4.8കോടി രൂപയ്ക്ക് പുനെ സൂപ്പര്‍ ജയന്റ്സില്‍ കളിച്ച താരമാണ് മാര്‍ഷ്. കൗണ്ടി ലീഗില്‍ കളിക്കാനാണ് മാര്‍ഷ് ഐ.പി.എല്ലില്‍ നിന്ന് വിട്ടുനില്‍ക്കുന്നത് എന്നാണ് റിപ്പോര്‍ട്ടുകള്‍. ഐ.പി.എല്ലില്‍ 14 ഇന്നിംഗ്സില്‍ നിന്ന് 225 റണ്‍സും 18 ഇന്നിംഗ്സില്‍ 20 വിക്കറ്റുകളും മാര്‍ഷ് നേടിയിട്ടുണ്ട്. എന്നാല്‍ പണക്കൊഴുപ്പ് നിറഞ്ഞ ഇന്ത്യന്‍ പ്രീമിയര്‍ ലീഗ് വിട്ട് താരം കൗണ്ടിയിലേക്ക് പോകുന്നത് ക്രിക്കറ്റില്‍ ചര്‍ച്ചായാവുകയാണ്